پرائیویٹ حج سب سے مہنگے اور سستے پیکیج کی رقم مقرر

مہنگے پیکیج کی حد 32 لاکھ 50 ہزار، سستے پیکیج کی رقم 11 لاکھ 80 ہزار روپے مقرر

این این آئی April 04, 2023

پرائیویٹ حج اسکیم کے تحت 89 ہزار 605 عازمین فریضہ حج ادا کرسکیں گے، رپورٹ۔ فوٹو: فائل

حکومت نے رواں برس 2023 کے پرائیویٹ حج کیلیے سب سے مہنگے اور سستے پیکیج کی رقم مقرر کردی۔

ایڈیشنل سیکریٹری مذہبی امور آفتاب درانی کے مطابق سب سے مہنگے پیکیج کی حد 32 لاکھ 50 ہزارسے زائد مقرر کی گئی ہے، پرائیویٹ حج آپریٹرزکا سب سے سستا پیکیج 11 لاکھ 80 ہزار روپے ہے، اس کے علاوہ پرائیویٹ حج آپریٹرز کے لیے 12 پیکیج مقرر کیے گئے ہیں۔

آفتاب درانی کے مطابق قواعد و ضوابط کی خلاف ورزی اور وعدے کے مطابق سہولیات فراہم نہ کرنے والے آپریٹر کو سزا دی جائیگی، سزاؤں کے تعین کا وزارت مذہبی امورنے باقاعدہ طریقہ کارطے کررکھا ہے۔

ایڈیشنل سیکریٹری نے کہا کہ مقررسہولیات سے زائدکیخواہش مندعازم حج کو رقم بھی زائددینی ہو گی۔

ذرائع مذہبی امور نے بتایا کہ رواں برس حج کیلیے پاکستان کا کوٹہ ایک لاکھ 79 ہزار210 ہے اور حج کوٹے کا نصف نجی حج اسکیم کے لیے مختص کیا گیا ہے۔