پشاور کے عوام کو پینے کے صاف پانی کی فراہمی کیلیے اپنی نوعیت کا پہلا جدید سسٹم نصب

فوٹو ایکسپریس

---

خیبرپختونخواہ کے دارالحکومت میں قائم 46 ٹیوب ویلوں میں یونیسف کے تعاون سے خود کار نظام سکیڈا نصب کر دیا گیا، جس کی بدولت عوام کو پینے کے صاف پانی کی فراہمی ممکن ہوگی۔

منصوبے کا افتتاح صوبائی وزیر بلدیات فیصل امین گنڈا پور نے کیا، یہ صوبے میں اپنی نوعیت کا پہلا جدید نظام ہے جس میں مانیٹرنگ کے لئے 6 ڈیوائسز اور 6 فلومیٹرز نصب کئے گئے ہیں۔

خود کار نظام کے حوالے سے بات کرتے ہوئے وزیر بلدیات فیصل آمین گنڈاپور کا کہنا تھا کہ 'سیکڈا' کی تنصیب سے توانائی کی بچت ہوگی اور صاف پانی سے 70 ہزار آبادی مستفید ہوگی۔

صوبائی وزیر بلدیاتی نے کہا کہ پینے کا صاف پانی شہریوں کا بنیادی حق ہے، شہری پینے کا پانی محتاط طور پر استعمال کر رہے ہیں۔

انہوں نے صوبے میں بدامنی کے واقعات پر تشویش کا اظہار کرتے ہوئے کہا کہ ہمارے گھروں پر بم پھٹے ہم بھتہ دینے والے نہیں ہے ، سوات کا افغانستان کے ساتھ بارڈر نہیں ہے پھر افغانی کیسے آ گئے۔ اُن کا کہنا تھا کہ وفاق فنڈز نہیں دے رہا؟ کیا ہم بجلی کے کھمبے اڑانے شروع کردیں۔