وزیر اعلیٰ کے پی نے پشاور میں رہائشی عمارتوں کا سنگ بنیاد رکھ دیا

یہ بلند و بالا عمارتیں ورسک روڈ اور رحمان بابا کمپلیکس میں تعمیر کی جائیں گی۔

---

لاہور: وزیراعلیٰ خیبر پختونخوا محمود خان نے پشاور کے علاقے ورسک روڈ کا دورہ کیا۔

انہوں نے کثیر المنزلہ دو رہائشی و تجارتی عمارتوں کی تعمیر کا سنگ بنیاد رکھ دیا۔ یہ بلند و بالا عمارتیں ورسک روڈ اور رحمان بابا کمپلیکس میں تعمیر کی جائیں گی۔

وزیراعلی نے تقریب سے خطاب کرتے ہوئے کہا کہ خیبرپختونخواہ کی حکومت عمران خان کے ویژن کے مطابق کام کر رہی ہے، میں اب بھی عمران خان کو پاکستان کا وزیر اعظم مانتا ہوں، امپورٹڈ حکومت نے تین ماہ میں ملک جو حال کیا افسوس ناک ہے۔

وزیر اعلیٰ خیبر پختونخوا محمود خان کا پشاور کے علاقے ورسک روڈ کا دورہ

وزیر اعلیٰ نے کثیر المنزلہ دو رہائشی وتجارتی عمارتوں کی تعمیر کا سنگ بنیاد رکھ دیا ۔

یہ ہائی رائز عمارتیں ورسک روڈ اور رحمان بابا کمپلیکس میں تعمیر کی جائیں گی۔ pic.twitter.com/3lTrM3rFIz

— Insaf TV Khyber Pakhtunkhwa (@InsafTVKP) July 29, 2022

محمود خان نے کہا کہ صوبے کے مسائل کے حوالے سے جلد پریس کانفرنس کرونگا ، قبائلی علاقہ جات اور خیبرپختونخوا کے ساتھ جو ہورہا ہے سب کے سامنے ہے، جب الیکشن ہو نگے ہم دوبارہ آئینگے۔

انہوں نے کہا کہ 14 پارٹیوں کا یہ ٹولہ چور ہے، پنجاب میں درگت بننے کے بعد اب آپ عوام میں آنا چاہتے ہے تو شوق سے آئے، پنجاب کے لوگ عمران خان کی جانب دیکھ رہے ہیں۔