جیکولین بالی ووڈ میں آنے سے قبل صحافی تھیں بھارتی میڈیا
اداکارہ نے سری لنکن ٹی وی میں بحیثیت رپورٹر فرائض انجام دیے
کراچی:
بھارتی میڈیا کا کہنا ہے کہ بالی ووڈ کی معروف اداکارہ جیکولین فرنینڈس اداکاری کی دنیا میں قدم رکھنے سے قبل شعبہ صحافت سے وابستہ تھیں۔
میڈیا رپورٹ کے مطابق جیکولین نے سری لنکا سے شعبہ ابلاغ عامہ کی ڈگری حاصل کی اور مقامی چینل میں بحیثیت رپورٹر اپنے فرائض انجام دیے، بعد ازاں انہوں نے شوبز انڈسٹری میں قدم رکھا اور بھارت کی نامور اداکارہ کے طور پر سامنے آئیں۔
رپورٹ میں بتایا گیا کہ اداکارہ نے فلم ''آلہ دین'' سے بالی ووڈ میں قدم رکھا اور دیکھتے ہی دیکھتے شہریت کی بلندیوں پر پہنچ گئیں۔
اداکاری سے قبل جیکولین نے ماڈلنگ کی، انہوں نے سری لنکا کی ملکہ حسن 2006 کا تاج بھی اپنے سر پر سجایا تھا۔ وہ اپنے اب تک کے کیریئر کے دوران مختلف تنازعات کا بھی شکار رہیں ہیں۔