کراچی ٹریفک پولیس نےایمرجنسی سروس فراہم کرنے کیلئے خصوصی مہم کا آغاز کردیا

پیٹرول ختم ہونےپرموٹرسائیکل والوں کو آدھا لیٹراورگاڑی والوں کو ایک لیٹر پیٹرول دیاجائے گا،ڈی آئی جی ٹریفک

Sajid Rauf June 20, 2022

ٹریفک پولیس کی طرف سے سروس شہر کی اہم شاہراہوں پر فراہم کی جائےگی،ڈی آئی جی ٹریفک

لاہور: کراچی ٹریفک پولیس کی جانب سےشہریوں کے لیے دوران سفربنیادی ایمرجسنی سروس فراہم کرنے کی خصوصی مہم کا آغاز کردیا گیا جس کیلئے ٹریفک پولیس کی 26 گاڑیاں مختص کردی گئی ہیں۔

ڈی آئی جی ٹریفک احمد نواز کے مطابق شہریوں کو دوران سفر گاڑی کے خراب ہونے کی وجہ سے پیش آنے والی مشکلات کے ازالہ کیلئے خصوصی مہم کا آغازکیاگیا،مہم کے دوران بیٹری ڈاؤن ہونےیا مکینکیل فالٹ کی صورت میں گاڑیوں کو فوری طور پر سڑک کنارے لگانےاورپیٹرول ختم ہونےپرموٹر سائیکل سوار فیملیز کو آدھا لیٹراورگاڑی والوں کو ایک لیٹر پیٹرول فراہم کیا جا ئے گا۔

انھوں نے بتایا کہ ٹریفک پولیس کی گاڑیوں میں فرسٹ ایڈ کٹ بھی رکھی گئی ہے تاکہ اگر موٹر سائیکل سوار سلپ ہو جائے تو اسے ایمبولنس کے آنے تک فوری فرسٹ ایڈ مہیا کی جا سکے،دوران سفر پنکچرہونے والی گاڑیوں کو ٹول سمیت دیگر معاونت فراہم کی جارہی تاکہ اہم شاہراہوں پر ٹریفک کی روانی بحال رکھی جا سکے۔

آئی جی ٹریفک پولیس کے مطابق ٹریفک پولیس ان تمام اقدامات کا انتظام اپنے ویفلیئرفنڈ سے کیا ہے جبکہ ٹریفک کی پیٹرولنگ کرنے والی 26 گاڑیوں کی مدد سے شہریوں کو یہ سہولت فراہم کی جا رہی ہے، آنے والے دنوں میں گاڑیوں کی تعداد میں مزید اضافہ کیا جائے گا۔

ٹریفک پولیس کی خصوصی مہم میں اہم اورمصروف ترین شاہراہیں شامل ہیں جن میں شارع فیصل ، ایم اے جناح روڈ ،یونیورسٹی روڈ آئی آئی چندریگر روڈ ، شاہراہ پاکستان ، شیرشاہ سوری روڈ، راشد منہاس روڈ سمیت شہرکے تمام اضلاع میں تعینات کی گئی ہیں۔

آئی جی ٹریفک پولیس کے مطابق مون سون سیزن کے اختتام کے بعد بھی ٹریفک پولیس کی گاڑیاں اپنا کام کرتی رہیں گی۔