اسلام آباد بلدیاتی انتخابات میں الیکٹرانک ووٹنگ کا فیصلہ

وزیراعظم عمران خان ہمیشہ صاف اور شفاف انتخابات کی خواہش کرتے ہیں جو ای وی ایم سے ممکن ہوگا، وفاقی وزیر

وقاص احمد January 11, 2022

وزیراعظم عمران خان ہمیشہ صاف اور شفاف انتخابات کی خواہش کرتے ہیں جو ای وی ایم سے ممکن ہوگا، وفاقی وزیر۔ فوٹو: فائل

لاہور: اسلام آباد کے بلدیاتی انتخابات میں الیکٹرانک ووٹنگ مشین کے استعمال کا فیصلہ کرلیا گیا۔

وفاقی وزیر سائنس اینڈ ٹیکنالوجی شبلی فراز کا کہناہے کہ الیکٹرانک ووٹنگ مشین کو اب عملی طور پر استعمال کرنے کی طرف جارہے ہیں، الیکشن کمیشن کو اگلے ماہ الیکٹرانک ووٹنگ مشینیں مہیا کردی جائیں گی۔

اسلام آباد میں پریس کانفرنس کرتے ہوئے وفاقی وزیر برائے سائنس اینڈ ٹیکنالوجی شبلی فراز نے کہا کہ الیکٹرانک ووٹنگ مشین بارے شروع میں بدگمانیاں تھیں، اسلام آباد کے بلدیاتی انتخابات میں الیکٹرانک ووٹنگ مشین کا استعمال کیاجائیگا، اسلام آباد کے بلدیاتی انتخابات کے لیے الیکشن کمیشن نے ہمیں مشینوں کی مطلوبہ تعداد بتا دی ہے، اسلام آباد کے بلدیاتی انتخابات اپریل کے وسط میں ہوں گے۔

وفاقی وزیر نے کہا کہ وزیراعظم عمران خان ہمیشہ صاف اور شفاف انتخابات کی خواہش کرتے ہیں جو ای وی ایم سے ممکن ہوگا۔