بلوچستان کے علاقے پشین میں اے این ایف کے انٹیلیجنس بیسڈ آپریشن میں 845 کلوگرام منشیات برآمد کی گئی ہے۔

اینٹی نارکوٹکس فورس کے مطابق آپریشن کے دوران قلعی بوئی کے غار میں زخیرہ کی گئی 845 کلو گرام منشیات برآمد کی گئی ہے۔ منشیات میں 505 کلو گرام مارفین اور 340 کلو گرام ہیروئن شامل ہے۔

اے این ایف کا کہنا ہے کہ منشیات افغانستان سے اسمگل کرکے غار میں زخیرہ کی گئی تھی اور زخیرہ کی گئی منشیات کو گوادر کے راستے بیرون ملک اسمگل کیا جانا تھا۔