وزیر اعظم یوتھ انٹرن شپ اورلیپ ٹاپ اسکیموں کااجرا اپریل کے آخر تک کردیاجائیگا

16 سال کی تعلیم مکمل کرنیوالے طلباء و طالبات کو یوتھ انٹرن شپ اسکیم کے تحت ماہانہ 10 سے 15ہزارروپے ادا کیے جائینگے. فوٹو: پی آئی ڈی

---

وزیر اعظم یوتھ پروگرام کے تحت فروری میں یوتھ انٹرن شپ اسکیم اور اپریل کے آخر تک لیپ ٹاپ اسکیم کا اجرا کر دیاجائیگا۔

16 سال کی تعلیم مکمل کرنیوالے طلباء و طالبات کو یوتھ انٹرن شپ اسکیم کے تحت ماہانہ 10 سے 15ہزارروپے ادا کیے جائینگے۔ اس اسکیم کے اجرا کیلیے یوتھ پروگرام کی چیئرپرسن مریم نواز شریف کی قیادت میں انتظامات کو حتمی شکل دی جا رہی ہے۔ وزیر اعظم یوتھ بزنس لون کی پہلی قرعہ اندازی بہت جلد وزیر اعظم نواز شریف خود اپنے ہاتھوں سے کرینگے۔