سعودی کمپنی چاول وگوشت کے شعبے میں سرمایہ لگائے گی

گوشت وچاول کے برآمد کنندگان سے سعودی زرعی ولائیو اسٹاک کمپنی کی بات چیت۔ فوٹو: فائل

---

پاکستان سے جانوروں کے گوشت کی سعودی عرب برآمد کے حوالے سے سعودی ایگریکلچرل اینڈ لائیو اسٹاک انویسٹمنٹ کمپنی اورپنجاب ایگریکلچراینڈمیٹ کمپنی(پیمکو)کے مابین مذاکرات ہوئے۔

پیمکو کے قائم مقام سی ای او ممتاز خان منہیس نے سعودی وفد کو بریفنگ دی۔ دریںاثنا پنجاب بورڈ اف انویسٹمنٹ اینڈ ٹریڈ کے زیر اہتمام رائس ایکسپورٹرز ایسوسی ایشن آف پاکستان اور سعودی ایگریکلچرل اینڈ لائیو اسٹاک انویسٹمنٹ کمپنی کے درمیان بھی مذاکرات ہوئے جس میں پاکستانی چاول کی سعودی عرب برآمدکے بارے میں تبادلہ خیال کیا گیا۔



سعودی کمپنی کے وفد کے سربراہ عبداللہ ال دوبھیکی نے اس موقع پرکہا کہ ان کی کمپنی نے پاکستان میں چاول اور ریڈمیٹ کے شعبے میں سرمایہ کاری کا منصوبہ بنایا ہے اور پاکستان کے ساتھ دیرپا تجارتی تعلقات قائم کرنا چاہتی ہے۔