یورپی درآمدات میں پاکستان کا حصہ محض 03 فیصد

پاکستان سے یورپ کو خدمات کی برآمدات نہ ہونے کے برابر یا برائے نام ہیں

Express Tribune Report February 22, 2021

پاکستان سے یورپ کو خدمات کی برآمدات نہ ہونے کے برابر یا برائے نام ہیں

27 رکن ممالک اور 45 کروڑ کی آبادی کے ساتھ یورپی یونین دنیا کی سب سے بڑی معیشت اور سب سے بڑا تجارتی بلاک ہے۔ تاہم پاکستان کی موجودہ خارجہ اور تجارتی پالیسی اس حقیقت کے ادراک سے نابلد نظر آتی ہے۔ تاہم اس سمت میں توجہ دینے کا وقت گزر نہیں گیا۔

2019ء میں یورپ کی مجموعی درآمدات میں پاکستان کا حصہ محض 0.3 فیصد تھا، باوجود یہ کہ پاکستان کو جی ایس پی پلس اسٹیٹس حاصل ہے۔ یورپ کو سب سے زیادہ برآمدات کرنے والے ممالک میں پاکستان کا 40 واں نمبر ہے۔ تاہم ایک مثبت بات یہ ہے کہ 2013ء سے 2019ء کے درمیان یورپی کو پاکستانی برآمدات میں 65 فیصد اضافہ ہوا مگر صلاحیت کے لحاظ سے یہ ہنوز بہت کم ہے۔ یورپ پاکستان کی سب سے بڑی برآمدی مارکیٹ ہے جسے 35فیصد برآمدات کی جاتی ہیں۔

یورپ کو برآمد کی جانے والی مصنوعات میں ٹیکسٹائل، خام کھالیں، سبزیاں، اشیائے خوراک اور تمباکو شامل ہیں۔ تاہم پاکستان سے یورپ کو خدمات کی برآمدات نہ ہونے کے برابر یا برائے نام ہیں۔ پاکستان سے تجارتی تعلقات کو مستحکم کرنے کے لیے یورپ نے پاکستان کو جی ایس پی پلس اسٹیٹس دے رکھا ہے، جس کے تحت 80پاکستانی برآمدات کوٹہ اور ٹیرف سے آزاد ہیں۔ اس وجہ سے پاکستان کو بہت سے حریف ممالک پر سبقت حاصل ہے۔ چناں چہ اقتصادی اور تجارتی پالیسی سازوں کو یورپ کو ملکی برآمدات بڑھانے کے لیے پالیسیوں پر نظرثانی کی ضرورت ہے۔