باکسر عامر خان بھی پاکستانی سیاست میں آنے کے لیے پر تولنے لگے

میں پاکستان کو ایک بہتر جگہ بنانا چاہتا ہوں، عامر خان

Zulfiqar Baig/ October 20, 2020

میں پاکستان کو ایک بہتر جگہ بنانا چاہتا ہوں، عامر خان۔ فوٹو:فائل

برطانوی نژاد باکسر عامر خان بھی پاکستان کی سیاست میں آنے کے لیے پر تولنے لگے ہیں۔

سماجی رابطے کی سائٹ ٹوئٹر پر عامر خان نے ملکی سیاست میں حصہ لینے پر آمادگی ظاہر کرتے ہوئے کہا کہ مجھ سے بہت مرتبہ پوچھا گیا کہ کیا میں پاکستان میں سیاست میں حصہ لوں گا، بطور ایک کھلاڑی اور ملکی سفیر، یہ قابل عزت ہے کہ مجھ سے پوچھا گیا کہ میں سیاست میں حصہ لوں گا، حقیقت میں ملک کی مدد کرنا پسند کروں گا، فلپائن میں مینی پیکئو ئیاؤ کی اس کے ملک کے لیے عظیم خدمات دیکھ چکا ہوں لہذا مجھے علم ہے کہ میں بھی ایسا ہی پاکستان کے لیے کر سکتا ہوں۔

1/4 I have been asked numerous times if I would join politics in Pakistan. Being a sports man and being an ambassador for the country, I’m honoured to asked if I would take part in politics, in fact I would love to help the country.
— Amir Khan (@amirkingkhan) October 20, 2020

باکسر عامر خان کا کہنا تھا کہ یہ ایک بہت بڑا فیصلہ ہوگا تاہم ہوسکتا ہے کہ میں ایک روز اس پر غور کروں، میں اپنے پرستاروں سے پوچھنا چاہوں گا کہ وہ اس بارے میں کیا سوچتے ہیں، میں نے ملک میں بہت سے سیاستدانوں اور آرمی جرنیلوں سے اس معاملے پر نشستیں کی ہیں جنہوں نے ملکی موضوعات پر اتفاق اور اختلاف کیا، میرا دل صاف ہے اور میں پاکستان کے لیے بہترین چاہوں گا۔

3/4 Ive sat with many politicians and army generals agreeing and disagreeing on topics in the country. My heart is clean and I would want the best for Pakistan. Lets see how things play out. My old stable mate world champion boxer manny pacquiao also joined politics
— Amir Khan (@amirkingkhan) October 20, 2020

عامر خان کا کہنا تھا میرے پرانے دوست اور عالمی چیمپئن باکسر مینی پیکئو ئیاؤ نے سیاست میں شمولیت اختیار کی ہے، میں بھی پاکستان کو ایک بہتر جگہ بنانا چاہتا ہوں، میں بہت سے شعبوں بشمول کھیل، تعلیم، چائلڈ لیبر کو روکنے اور بہت سی چیزوں میں بہت مددگار ثابت ہونا چاہتا ہوں، ہم سب نے ایک روز اس جہاں کو چھوڑ جانا ہے مگر جب تک ہم یہاں ہیں ہمیں اپنا کردار ادا کرنا چاہیے۔

4/4 in Philipines, I have been watching the great work Manny Pacquiao has done for his country and I know I could do the same for pakistan. It will be a massive decision to make.
I one day might consider this.
I like to ask my followers what they think about this?
— Amir Khan (@amirkingkhan) October 20, 2020