13 سالہ لڑکی شادی شدہ خاتون اور 2 بچے اوباشوں کی ہوس کا نشانہ بن گئے

گد پور میں اوباش نے افتخار احمد کی بیوی (س) کو گھر گھس کر ہوس کا نشانہ بنایا۔

Numaindgan Express October 14, 2020

گد پور میں اوباش نے افتخار احمد کی بیوی (س) کو گھر گھس کر ہوس کا نشانہ بنایا۔ فوٹو : فائل

قصور،کوٹ رادھا کشن اور پھولنگر کے نواحی علاقوں میں 13 سالہ لڑکی، شادی شدہ خاتون اور 2 بچے اوباشوں کی ہوس کا نشانہ بن گئے۔

نور پور جٹاں کی ثریا بی بی نے تھانہ صدر چونیاں میں درخواست دی کہ اس کی 15سالہ بیٹی گھر میں اکیلی تھی کہ گاؤں کا ہی وقار نامی نوجوان آیا اور اسے زیادتی کا نشانہ بنا کر فرار ہو گیا۔

ادھر گد پور میں اوباش نے افتخار احمد کی بیوی (س) کو گھر گھس کر ہوس کا نشانہ بنایا۔ پولیس کی جانب سے ملزم کی تلاش کیلیے کارروائی جاری ہے جب کہ بستی مان میں( س) زوجہ صابر کو اس کے دیورنوید نے زیادتی کا نشانہ بنانے کی کوشش کی تو اس نے شور مچا دیا جس پر وہ فرار ہوگیا۔

دوسری جانب رادھاکشن کے نواحی علاقے رتی پنڈی میں اوباش نے 4سالہ بچے کو زیادتی کا نشانہ بنا ڈالا، ملزم زبیر بچے کو اپنی چھت پر لے گیا، عورتوں نے دیکھا تو بچے کو چھوڑ کر فرار ہوگیا۔