زمبابوے کرکٹ بورڈ کے وفد کا قذافی اسٹیڈیم کا دورہ

زمبابوین کرکٹ ٹیم 20 اکتوبر کو پاکستان آئے گی۔ فوٹو: ایکسپریس

---

زمبابوے کرکٹ بورڈ کے 5 رکنی وفد نے قذافی اسٹیڈیم کا دورہ کیا اور انتظامات کا جائزہ لیا۔

ایکسپریس نیوز کے مطابق زمبابوے کرکٹ بورڈ کا 5 رکنی وفد انتظامات کا جائزہ لینے کے لیے ہفتہ کو پاکستان پہنچا تھا جنہوں نے اتوار کے روز قذافی سٹیڈیم کا دورہ کیا۔ دورہ کے موقع پر ڈائریکٹر انٹرنیشنل کرکٹ آپریشنز ذاکر خان وفد کے ہمراہ تھے۔

یہ بھی پڑھیں : پی سی بی نے زمبابوے سیریز کا نیا شیڈول جاری کردیا

اس موقع پر پی سی بی کے شعبہ اسپورٹس میڈیسن اینڈ سائنسز کے سربراہ ڈاکٹر سہیل سلیم نے بائیو سکیورٹی پر بریفنگ دی، وفد کل سیف سٹی پروجیکٹ کا دورہ کرنے کے بعد منگل کو پنڈی کرکٹ اسٹیڈیم میں بھی انتظامات کا جائزہ لے گا۔



واضح رہے کہ ملتان میں میچز کی میزبانی پر اخراجات کا تنازع پیدا ہونے کے بعد زمبابوے کے خلاف سیریز کے میچز لاہور منتقل کرنے کا فیصلہ کیا گیا تھا جہاں کچھ میچز قذافی اسٹیڈیم جب کہ دیگر میچز پنڈی کرکٹ اسٹیڈیم میں کھیلے جائیں گے۔ زمبابوین ٹیم 20 اکتوبر کو پاکستان آئے گی۔