طالبہ پر استاد کے تشدد کی ویڈیو وائرل ملزم گرفتار

ویڈیو میں دیکھا جاسکتا ہے کہ استاد بچی کو شدت سے تھپڑ مارتا ہے کہ بچی زمین پر گر جاتی ہے

Raja Nobahar/ September 16, 2020

استاد معصوم بچی کو گردن سے پکڑ کر زور زور سے جھٹکتا اور اسے زوردار تھپڑ مارتا ہے۔ فوٹو:ایکسپریس

پولیس نے بچی پر تشدد کرنے والے سفاک استاد کو گرفتار کرلیا۔

ایکسپریس نیوزکے مطابق جہلم میں واقع ایک نجی اکیڈمی میں پڑھائی کے دوران بچیوں کو تشدد کرنے کی ویڈیو وائرل ہوئی تھی، جس میں واضح طور پر دیکھا جاسکتا ہے کہ ایک ظالم استاد معصوم بچی کو گردن سے پکڑ کر زور زور سے جھٹکتا اور اسے اس شدت سے تھپڑ مارتا ہے کہ بچی زمین پر گر جاتی ہے۔

ویڈیو وائرل ہوتے ہی جنگل کی آگ کی طرح پھیل گئی اور ریجنل پولیس آفیسر راولپنڈی عمران احمر نے واقعہ کا نوٹس لیتے ہوئے ڈی پی او جہلم شاکر داوڑ کو تشدد میں ملوث اکیڈمی انتظامیہ کے خلاف قانونی کاروائی عمل میں لانے کے احکامات جاری کردیئے۔ ان کا کہنا تھا کہ تعلیمی اداروں میں بچوں سے بدسلوکی و تشدد کسی صورت برداشت نہیں۔

جہلم میں اس شخص کا بچوں پر تشدد ملاحظہ فرمائیں کیا استاد ایسا ہو سکتا ہے pic.twitter.com/LwbMC5hUur
— sajid sheikh (@sajidsheikh321) September 15, 2020