دہلی مسلم کش فسادات پر بالی ووڈ فنکاروں کے صبر کا پیمانہ بھی لبریز ہوگیا

آج یہ بات بالکل واضح ہوگئی ہے کہ سی اے اے کے حامیوں کا مطلب اینٹی مسلم کے سوا اور کچھ نہیں، بھارتی فنکار

زنیرہ ضیاء February 26, 2020

پرتشدد لوگ ہمارے ملک اور شہرکو غیر محفوظ بنارہے ہیں، فنکار فوٹوفائل

دہلی میں مسلم کش فسادات کے نتیجے میں اب تک 20 افراد جاں بحق اور متعدد زخمی ہوگئے ہیں بے گناہوں کی موت پر بالی ووڈ فنکاروں نے اظہار افسوس کرتے ہوئے کہا ہے کہ آج واضح ہوگیا کہ سی اے اے کا مطلب مسلم مخالف کے سوا کچھ نہیں۔

بھارتی حکومت کی جانب سے نافذ کیے جانے والے مسلم مخالف قانون کے باعث پورا بھارت جل اٹھا ہے اور تقریباً ہر شہرمیں اس قانون کے خلاف مظاہرے اور احتجاج جارہی ہیں۔ تاہم تین روز قبل دہلی کی صورتحال اس وقت بد تر ہوگئی جب مسلم مخالف شہریت کے قانون کے خلاف پرامن دھرنے پر بیٹھے مظاہرین پر مسلح ہندو جتھوں نے حملہ کردیا۔

ہر گزرتے دن کے ساتھ انتہاپسند ہندوؤں کے حملوں میں مزید شدت آتی جارہی ہے یہاں تک کہ دہلی مسلم کش فسادات میں اب تک 20 افراد جاں بحق اور درجنوں زخمی ہوچکے ہیں ۔ دہلی کے حالات اس حد تک خراب ہوچکے ہیں وہاں کے وزیراعلیٰ اروند کیجریوال نے صورتحال کنٹرول کے لیے شہر میں کرفیو نافذ کرنے اور فوج طلب کرنے کی درخواست کردی ہے۔

یہ بھی پڑھیں: دہلی مسلم کش فسادات میں 20 جاں بحق

بھارتی حکومت کی جانب سے نافذ کیے جانے والے متنازع شہریت کے قانون کے خلاف ابتدا ہی سے بھارت کے اندر سے آوازیں اٹھ رہی ہیں جن میں بالی ووڈ کے ان فنکاروں کی آوازیں بھی شامل ہیں جو اس قانون کے خلاف ہیں۔ لیکن افسوس کی بات تو یہ ہے کہ متنازع شہریت کے قانون اور مسلم کش فسادات پر بالی ووڈ کے نام نہاد نامور فنکاروں کی جانب سے مکمل خاموشی طاری ہے جو ان کے بے حس ہونے کا ثبوت دیتی ہے۔ ان فنکاروں میں شاہ رخ خان، عامر خان، سلمان خان، امیتابھ بچن، ایشوریا رائے بچن، کرینہ کپور جیسے بڑے اداکار شامل ہیں جن کی آوازیں واقعی اثر رکھتی ہیں لیکن ان کی خاموشی پر خود ان کے چاہنے والے بھی حیران ہیں۔

دوسری جانب ہدایت کار انوراگ کیشپ، سوارا بھاسکر، جاوید جعفری اور ٹی وی اداکارہ شروتی سیٹھ سمیت بہت سے فنکار مسلم دشمنی والے اس قانون کے خلاف ابتدا ہی سے آوازیں بلند کررہے ہیں۔ حال ہی میں دہلی مسلم کش فسادات پر بھی ان فنکاروں نے آواز بلند کی ہے۔

انوراگ کیشپ

انوراگ کیشپ کا شمار بالی ووڈ کے ان فنکاروں میں ہوتا ہے جو شروع سے ہی متنازع شہریت کے قانون کے خلاف ہیں اور کھل کر مودی اورپی جے پی کے خلاف آواز اٹھاتے ہیں۔ دہلی فسادات پر انوراگ کیشپ نے ٹوئٹ کرتے ہوئے کہا آج یہ بات بالکل واضح ہوگئی ہے کہ سی اے اے(سٹیزن امیڈمنٹ شپ ایکٹ) کے حامیوں کا مطلب اینٹی مسلم(مسلم مخالف) کے سوا اور کچھ نہیں۔

इतना तो आज साफ है कि PRO-CAA का मतलब Anti-Muslim है बस और कुछ नहीं ।
— Anurag Kashyap (@anuragkashyap72) February 24, 2020

جاوید جعفری

اداکار جاوید جعفری نے دہلی فسادات میں جاں بحق ہونے والے افراد کے لیے افسوس کا اظہار کرتے ہوئے لکھا ان واقعات کو دیکھ کر صاف ظاہر ہوتا ہے کہ اس میں گندی سیاست شامل ہے۔

Totally disturbing to see this kind of violence in Delhi. Heartfelt condolences for the 4 killed. Sequence of events clearly shows the dirty politics involved. The country of the people and for the people has to be saved by the people. https://t.co/0MJMyoqjF9
— Jaaved Jaaferi (@jaavedjaaferi) February 25, 2020

کریتیکا کامرا

بھارتی ٹی وی کی نامور اداکارہ کریتیکا کامرا نے ٹوئٹ کیا مہربانی کرکے انہیں سی اے اے کا حامی کہنا چھوڑدو بلکہ آئیں انہیں اس نام سے پکاریں جو وہ ہیں 'مسلم مخالف'۔ وہ یہ سب سی اے اے کے لیے نہیں کررہے بلکہ وہ اس حقیقت سے نفرت کرتے ہیں کہ مسلمانوں کو بھی وہی حقوق حاصل ہوں جو ان کو حاصل ہیں۔

Please let’s stop calling them pro CAA. Let’s call them what they are - Anti Muslim. They don’t give a damn about CAA.. they just hate the fact that Muslims have the same rights as them.
— Kritika Kamra (@Kritika_Kamra) February 24, 2020

ویشال ڈاڈلانی

نامور بھارتی موسیقار ویشال ڈاڈلانی نے لکھا مظاہرین سی اے اے کے خلاف گزشتہ دو ماہ سے احتجاج کررہے ہیں اس وقت توکوئی تشدد دیکھنے میں نہیں آیا جب تک کہ سی اے اے کے حامی میدان میں نہیں آگئے سوچنے والی بات ہے۔

Anti-CAA protestors have been protesting for 2 months. There was no violence until each time the so-called "pro-CAA" groups showed up.

Think.
— VISHAL DADLANI (@VishalDadlani) February 24, 2020

سوارا بھاسکر

اداکارہ سوارا بھاسکر نے دارالحکومت دہلی کی حکمراں جماعت عام آدمی پارٹی سے درخواست کرتے ہوئے کہا میری آپ سے فوری درخواست ہے ٹوئٹ کرنے سے آگے بڑھیں۔

This is an urgent appeal! #AamAadmiParty #AamAadmiParty DO MORE than tweet !!!!
— Swara Bhasker (@ReallySwara) February 24, 2020

ایشا گپتا

اداکارہ ایشا گپتا نے دہلی کی صورتحال کا شام سے موازنہ کرتے ہوئے کہا پرتشدد لوگ صرف شر انگیزی پھیلاتے ہیں اس بات کو جانے بغیر کہ وہ کس چیز کے لیے کھڑے ہیں، ایسے لوگ میرے ملک اور میرے شہر کو غیر محفوظ بنارہے ہیں۔

https://twitter.com/eshagupta2811/status/1231948505624858624

شروتی سیٹھ

بھارتی ٹی وی کی ایک اور اداکارہ شروتی سیٹھ نے لکھا میرے ملک کو جلانا بند کریں۔