وسیم اکرم دوران پرواز اپنی گھڑی گنوا بیٹھے

ایئرپورٹ پر متعلقہ کاؤنٹرز سے بھی رابطہ کرنے پر کوئی فائدہ نہیں ہوا، وسیم اکرم

---

وسیم اکرم دوران پرواز اپنی گھڑی گنوا بیٹھے جو غیر ملکی ایئر لائن سے رابطے کے باوجود تلاش نہ کی جاسکی۔

سابق کپتان نے سماجی رابطوں کی ویب سائٹ پر اپنے پیغام میں لکھا کہ کراچی سے دبئی پرواز کے دوران ان کی گھڑی کھو گئی ہے، ایئرپورٹ پر متعلقہ کاؤنٹرز سے بھی رابطہ کرنے پر کوئی فائدہ نہیں ہوا، انہوں نے گھڑی کو خاندان کا وراثتی تحفہ قرار دیا۔

Hi Wasim, please DM us the description of the watch along with your flight details and email address. We'll check on this with our Lost and Found Team and let you know. Thanks.

— Emirates Support (@EmiratesSupport) January 8, 2020

جواب میں ایئرلائن کی طرف سے ان کو پیغام دیا گیا کہ فلائٹ کی تفصیلات اور ای میل ایڈریس ارسال کریں، متعلقہ شعبہ گھڑی تلاش کرنے کی کوشش کرے گا، وسیم اکرم کے سماجی رابطوں کی ویب سائٹ پر یہ پیغام جاری کرنے پر دلچسپ تبصروں کا سلسلہ شروع ہوگیا۔

ایک صارف کا کہنا تھا کہ آپ شاید خاندانی وراثت میں ملنے والی چیزوں کا مطلب نہیں سمجھتے، چند ایک نے انہیں پرانی گھڑی بھول کر نئی خریدنے کا مشورہ بھی دے دیا۔