کراچی میں آپریشن کے مثبت نتائج آئیں گے ذوالفقار مرزا

رینجرز کو اختیارات دیکر آپریشن شروع کیا گیا ہے،سندھ میں امن و امان بحال ہوگا،سابق وزیرداخلہ ۔فوٹو: فائل

---

پی پی رہنما اور سابق صوبائی وزیرداخلہ ڈاکٹر ذوالفقار مرزا نے کہا ہے کہ وہ پیپلزپارٹی میں ہی رہیں گے۔

آصف علی زرداری کا ساتھ کبھی نہیں چھوڑسکتا۔ انھوں نے کہا کہ اپنی وزارت کے دور میں پارٹی پالیسیوں پر اختلافات تھے جو ہر جمہوری پارٹی میں ہوتے ہیں تاہم اگر انھیں کوئی ذمے داری دی گئی تو وہ اسے پورا کرنے کی کوشش کریں گے۔ انھوں نے بتایا کہ اپنے دور میں انھوں نے رینجرز کو اختیارات دینے کے لیے کوششیں کی تھیں لیکن وہ ایسا نہ کرسکے ۔



لیکن اس وقت رینجرز کو اختیارات دیکر جو آپریشن شروع کیا گیا ہے اس کے مثبت نتائج نکلیں گے اور سندھ میں امن و امان بحال ہوگا۔ انھوں نے پنگریو کے قریب بھوروبھیل کے ورثا سے تعزیت کی ۔ انھوں نے کہا کہ انتظامیہ کو چاہیے کہ وہ تذلیل میں ملوث افراد کو قانون کے مطابق سخت سزا دے۔ اس موقع پر ایم پی اے حسنین مرزا ڈاکٹر عزیز میمن بھی موجود تھے۔