لندن میں عید مستی پاکستانی فنکاروں کو خوب پذیرائی ملی

کنسرٹ میں حسنین لاہوری، فلک شبیر،عمر شریف اور کومل رضوی نے پرفارم کیا۔

BBC October 22, 2013

شفقت امانت اور ابرار الحق نے بھی اپنی آواز کا جادو جگایا اور شرکاء سے داد حاصل کی ۔ فوٹو : فائل

KARACHI: برطانیہ کے دارالحکومت لندن میں گزشتہ روز عیدالاضحیٰ کی مناسبت سے عید مستی کے نام سے کنسرٹ کا انعقاد کیا گیا۔

جس میں پاکستانی فنکاروں نے اپنے فن کا مظاہرہ کیا۔منتظمین کے مطابق عید الفطر کے بعد عیدالاضحیٰ کے موقعے پر اس کنسرٹ کا مقصد صرف عید کی خوشیاں منانا نہیں تھا بلکہ ترقی پذیر ممالک میں تعلیم اور صحت کی سہولیات کے لیے کام کرنے والی تنظیم 'انٹرنیشنل لرننگ موومنٹ' یعنی آئی ایل ایم کے لیے مالی وسائل کا انتظام کرنا بھی تھا۔

لندن کے ویمبلے ایرینا میں منعقدہ اس کنسرٹ کا آغاز پاکستانی نڑاد برطانوی گٹارسٹ حسنین لاہوری کی پرفارمنس سے ہوا۔کنسرٹ میں فلک شبیر نے بھی اپنے فن کا مظاہرہ کیا۔ 'کامیڈی کنگ' عمر شریف ، گلوکارہ کومل رضوی، شفقت امانت علی خان ، فواد افضل خاناور ابرار الحق نے اپنے فن کا مظاہرہ کیا۔ اس شو کی منتظم ناز کے بقول اس شو کے نتائج بہت مثبت رہے۔ شو سے آئی ایل ایم نے 50 ہزار برطانوی پاؤنڈ کی امدادی رقم اکٹھی کی۔