بدین صوبائی وزیر کی پروٹوکول موبائل الٹ گئی اہلکار جاں بحق7زخمی

زخمی پولیس اہلکاروں میں ایس ایچ او بھی شامل۔ فوتو؛ رائٹرز/فائل

---

بدین میں صوبائی وزیر ڈاکٹر سکندر علی میندرو کے پروٹوکول پر تعینات پولیس موبائل ٹائر برسٹ ہونے کے باعث الٹ کر کھائی میں جا گری۔

ایک جاں بحق، ایس ایچ او سمیت 7 پولیس اہلکارزخمی ہو گئے۔ تفصیلات کے مطابق صوبائی وزیر ڈاکٹر سکندر علی میندرو کے پروٹوکول پر تعینات بدین ماڈل پولیس اسٹیشن کی موبائل گولارچی روڈ پر ٹائر برسٹ ہونے کے باعث الٹ کر کھائی میں گر گئی۔



جس کے نتیجے میں ایس ایچ او اللہ ڈنو پہنور اور کانسٹیبل زوہیب عباسی، جاوید تھہیم، حنیف سومرو، نور محمد مندھرو، غلام محمد ملاح، گل محمد چھلگری سمیت 8 پولیس اہلکار زخمی ہو گئے۔ 4 شدید زخمیوں کو کراچی کے اسپتال منتقل کیا جا رہا تھا کہ کانسٹبل جاوید تھہیم راستے میں ہی زخموں کی تاب نہ لاتے ہوئے دم توڑ گیا۔ باقی زخمیوں کو بدین کے مقامی اسپتال منتقل کر دیا گیا۔