مختارکار آفس میں بدعنوانیاں عروج پر شہری پریشان

جو شہری رشوت دیتا ہے اس کا کام کردیا جاتا ہے رشوت نہ دینے والے افراد دھکے کھانے پر مجبور۔ فوٹو: فائل

---

مختار کار آفس بدین میں کھلے عام رشوت اور کاغذات میں ہیرا پھیری اور دیگر سنگین بے قاعدگیوں کے باعث شہریوں اور زمینداروں کو سخت مشکلات کا سامنا کرنا پڑ رہا ہے۔

آئے دن مختار کاروں کے تبادلے کے باعث زرعی زمینوں اور شہری پلاٹوں کے ریکارڈ میں درستگی اور خریدو فروخت کے لیے کھاتوں میں تبدیلی کے لیے شہریوں کو پریشانیوں کا سامنا کرنا پڑ رہا ہے جس کے لیے بھاری رشوت طلب کی جاتی ہے۔



جو شہری رشوت دیتا ہے اس کا کام کردیا جاتا ہے جو شہری رشوت نہیں دیتا اسے بتایا جاتا ہے کہ آپ کا ریکارڈ سابقہ مختار کار اپنے ساتھ لے گیا ہے جس کے باعث شہریوں کے جائز اور قانونی کام التوا کا شکار ہیں۔