ترنم ناز نے وائس آف پنجاب پروگرام کی کمیٹی سے استعفیٰ دیدیا

حکومت نے اب تک کوئی کام میرٹ پر نہیں کیا، ترنم ناز

---

گلوکارہ ترنم ناز نے احتجاجاً وائس آف پنجاب پروگرام کیلیے بنائی گئی کمیٹی سے استعفیٰ دے دیا۔

گلوکارہ ترنم ناز نے وائس آف پنجاب پروگرام میں ججز پینل کے انتخاب پروزیر اطلاعات و ثقافت فیاض الحسن چوہان کی جانب سے بنائی گئی کمیٹی سے احتجاجا استعفی دے دیا ہے۔

ترنم ناز نے کہا ہے کہ حکومت کے اب تک کے کھوکھلے نعرے ہیں اب تک حکومت نے کوئی کام میرٹ پر نہیں کیا ہے۔ انہوں نے کہا کہ وائس آف پنجاب کا ججز پینل بناتے ہوئے سینئر کو نظر انداز کیا گیا۔