ایکسپریس میڈیا گروپ اسلام آباد یونائیٹڈ کا تشہیری پارٹنر بن گیا

پہلے سیزن کی طرح اس سیزن میں بھی اس ٹیم کو پروموٹ اور سپورٹ کریں گے، اعجاز الحق

Press Release January 25, 2019

پاکستان کے صف اول کے میڈیا گروپ کے ساتھ پارٹنرشپ پر ہمیں فخر ہے، علی نقوی۔ فوٹو: فائل

ایکسپریس پبلی کیشنز گروپ پاکستان سپر لیگ کے افتتاحی ایڈیشن کی فاتح ٹیم اسلام آباد یونائیٹڈ کا پبلی کیشنز پارٹنر بن گیا۔

اسلام آباد یونائیٹڈ کے ساتھ پارٹنرشپ کے بعد ایکسپریس پبلی کیشنز گروپ کے اخبارات ایکسپریس ٹریبیون اور سب سے زیادہ پڑھنے والے اردو روزنامہ ایکسپریس میں اسلام آباد یونائیٹڈ کے کھلاڑیوں کے خصوصی انٹریوز سمیت فرنچائز کی خبریں اور رپورٹیں شایع ہوا کریں گی۔

پارٹنر شپ سے متعلق اظہار خیال کرتے ہوئے ایکسپریس نیوز کے چیف آپریٹنگ آفیسر اعجاز الحق نے کہا کہ اسلام آباد یونائیٹڈ کے ساتھ ہماری پارٹنر شپ کا آغاز گزشتہ برس جنوری میں ہوا تھا، اب پی ایس ایل کے اس سیزن میں بھی ہم اس ٹیم کو پروموٹ اور سپورٹ کریں گے۔

اسلام آباد یونائیٹڈ کے مالک علی نقوی نے کہا کہ پاکستان کے صف اول کے میڈیا گروپ کے ساتھ پارٹنرشپ پر ہمیں فخر ہے۔