ایف آئی اے نے منی لانڈرنگ کی روک تھام کیلیے ٹاسک فورس قائم کر دی

ملک بھر میں 24 گھنٹوں میں کریک ڈاؤن شروع ہو گا، ذرائع

Iftikhar Chohadary November 17, 2018

ملک بھر میں 24 گھنٹوں میں کریک ڈاؤن شروع ہو گا، ذرائع۔ فوٹو: فائل

وزیراعظم عمران خان کی ہدایت پر ایف آئی اے نے منی لانڈرنگ کی روک تھام کیلیے ٹاسک فورس قائم کر دی۔

ایف آئی اے کے ذرائع نے ایکسپریس کو بتایا کہ جمعے کو ایف آئی اے ہیڈکوارٹرز میں ڈی جی ایف آئی اے بشیر احمد میمن کی سربراہی میں اعلیٰ سطح کا اجلاس ہوا جس میں ایڈیشنل ڈی جی سمیت تمام زونز کے ڈائریکٹرز شریک ہوئے۔

اجلاس میں وزیراعظم کے احکام پر عملدرآمد یقینی بنانے کیلیے ٹاسک فورس قائم کی گئی اور اس کے ٹی او آرز بھی طے کر لیے گئے ہیں، اجلاس میں وزیر اعظم کے ویژن کے مطابق منی لانڈرنگ کیخلاف کریک ڈاؤن کی جامع حکمت عملی طے کی گئی اور منی لانڈرنگ نیٹ ورک چلانے والے اصل ملزمان کو قانون کے شکنجے میں لینے کیلیے مختلف پہلوؤں پر غور ہوا، ذرائع نے بتایا کہ ملک بھر میں 24 گھنٹوں میں کریک ڈاؤن شروع ہو گا۔