پی پی کی بلاول کواپوزیشن لیڈر بنانے پر ن لیگ کو پنجاب میں حمایت کی پیشکش

پاکستان پیپلزپارٹی نے قومی اسمبلی میں قائد حزب اختلاف کا عہدے کے لیے مسلم لیگ ن سے تعاون مانگ لیا۔

تنویر محمود راجہ July 30, 2018

پاکستان پیپلزپارٹی نے قومی اسمبلی میں قائد حزب اختلاف کا عہدے کے لیے مسلم لیگ ن سے تعاون مانگ لیا۔ فوٹو : فائل

پاکستان پیپلزپارٹی نے بلاول بھٹو زرداری کو قومی اسمبلی میں قائد حزب اختلاف کے لیے حمایت کی صورت میں پنجاب اسمبلی میں اپنی بھرپور حمایت کی پیشکش کر دی ہے۔

ذرائع کے مطابق پیپلزپارٹی کے سینئر رہنما نے مسلم لیگ ن کے رہنما سے اسلام آباد میں رابطہ کر کے پیشکش کی ہے۔پاکستان پیپلزپارٹی کے مصدقہ زرائع نے ایکسپریس کو بتایا کہ عام انتخابات2018ء کے سلسلے میں پاکستان پیپلزپارٹی نے قومی اسمبلی میں قائد حزب اختلاف کا عہدے کے لیے مسلم لیگ ن سے تعاون مانگ لیا۔

اس صورت میں چیئرمین پاکستان پیپلزپارٹی بلاول بھٹو زرداری قومی اسمبلی میں قائد حزب اختلاف ہوں تو اس پر پاکستان پیپلزپارٹی پنجاب میں وزارت اعلیٰ کے لیے مسلم لیگ ن کی حمایت کر سکتی ہے۔