آزادکشمیرکی حکومت آئندہ مالی سال 2018-19 کا بجٹ پیر 21 مئی کو پیش کرے گی۔

آئندہ مالی سال 2018-19 کے بجٹ کامجموعی حجم ایک کھرب 5 ارب سے زائد رہنے کا امکان ہے جو رواں مالی سال 2017-18 کے بجٹ کے حجم سے تقریباً 10ارب روپے زیادہ ہے۔

آزادکشمیرکے آئندہ مالی سال کے بجٹ میں وفاقی ملازمین کی طرح آزاد کشمیر کے ملازمین کی تنخواہوں اورپنشن میں بھی 10فیصداضافہ کیے جانے کا امکان ہے۔ ترقیاتی بجٹ25 ارب روپے ہو گا۔ آزاد کشمیرکے وزیرخزانہ، منصوبہ بندی و ترقیات ڈاکٹر نجیب نقی بجٹ پیش کریں گے۔