آصف زرداری کا لاہور میں پارٹی ٹکٹ ہولڈرز کو گرین سگنل

بھرپور انتخابی تیاری کی ہدایت، میں اور بلاول گلی محلوں میں جائیںگے، سابق صدر

Asim Shahzad January 03, 2018

بھرپور انتخابی تیاری کی ہدایت، میں اور بلاول گلی محلوں میں جائیںگے، سابق صدر۔ فوٹو: فائل

سابق صدر آصف زرداری نے آئندہ الیکشن لڑنے کیلیے لاہور کے ٹکٹ ہولڈرز کو گرین سگنل دیدیا ہے۔

آصف زرداری نے ٹکٹ ہولڈرز کو گرین سگنل دیتے ہوئے کہا کہ پارٹی چیئرمین بلاول بھٹو اور میں دونوں لاہور میں بیٹھ کر الیکشن مانیٹرکریں گے جب کہ کارکنوں سے گلی محلوں میں جا کر ملیں گے اورانتخابی مہم چلائیں گے۔

واضح رہے کہ آصف علی زرداری نے دورہ لاہور کے دوران بلاول ہاؤس میں لاہور میں مختلف ٹکٹ ہولڈرز سے ملاقاتیں کیں۔ انھوں نے دورہ لاہور کے دوران پیپلزپارٹی لاہور کے صدر عزیز الرحمان چن کو اپنے ساتھ ساتھ رکھا۔

ذرائع کے مطابق پیپلز پارٹی لاہور کے چاروں ڈسٹرکٹ اور 25زونز کے عہدیداروں کا اعلان بھی ایک ہفتے کے دوران کر دیا جائیگا۔